Op Platt: Brune Koken

Titel und Untertitel

Brune Koken

Mein Beitrag
Ersteller und Datum

Erstellt von Gisela Walter am 23.05.2016

Autor dieses Beitrags

Gisela Walter

Haupttext

 

Brune Koken

 

Jümmer in de Wiehnachtstiet mutt ik an mien Grootmudder un ehr brune Koken denken. As Kinner müssen wi avends all Lüüd in`t Huus eene Goode Nacht wünschen.    Denn güngen wi ok in Grootmudder ehr Stuuv un sän : „Gode Nacht, Oma, wi gaht nu to  Puuch.“. As wi so tein Johr old weern,  sä se to uns:“ Nu sünd ji groot noog un köönt „Großmutter“ to mi seggen,“  Aver dat hebbt wi ni nich daan.

Wenn´t nu in de Vör – oder ok noch in de Nahwiehnachtstiet weer, dörven wi an ehr Büffet gahn, dat weer so`n grotet un depet Schapp mit vele Töllers und Tassen und wat se sonst noch so in`t Schapp har. Un dor dörfen wi uns eenen brunen Koken ut de Naschbüß nehmen.

De weern rund, bruun, un knackig und smeckten heel good na Kaneel. Utstekers geev dat noch nich in uns Huus. So wurrn all de Pletten  mit een Wienglas utsteken, Un utrullt wurr de Deeg mit en leddige Wienbuddel, so güng dat ok.

Later, as se öller wöör un nich mehr backen much, heff ik dat vun ehr leehrt un se kek mi denn biit Backen to.

Ik glöv, se hett ok blots backt, kokt  un in de Kök arbeid, wieldat ehr Rull as Huusfru dat verlangen dä. Vör ehr Heirat weer se een Schoolmestersch ween, so um 1900,  man denn hett se wull heirat, üm versorgt to sien. Wiel wi all tohoop levten, hett mien Mudder later jümmer för uns kokt un min Oma kunn in ern Gorn gaan.  Min Grootmudder wer ok nich besünners froh, wenn wi Plattdüütsch snakten, se meen, wi harrn dat denn besünners swor in de Hoge School.  Dat stimmte denn ok, dat sehg ik an de Mitschölers vu` nt  Dörp, de Fohrschölers, In de Hoge School dor weern nur Deerns, de Jungs harn er egen School.   

Se seet bi mi in de Köök un verklorte mi, wat ik to doon har. Mehl un Sucker, brunen  Kokensirup, Margarine, Kaneel un Hirschhornsolt vermengelern. Dat weer allens. Hüüttodaags glöv ik, dat wer de Kriegsvariante vun´t Rezept.  Wenn wi dat besünners rieklig harrn, keem bavenop en Mannel  ahn Huut.

Hüüt maak ik dat noch  jümmer so. Un frei mi, wenn dat Hirschhornsolt in Aben to rüken anfangt.

Un ahn brune Koken is dat vör mi keen Wiehnachten. Wenn na dat Fest noch welk övrig sünd, denn eet ik de op en  Swattbrot mit Bodder un denk an min Kinnertied trüüch, wo uns een Stück Pletten an Avend  noch glücklich maakt hett. 

 

Gisela Walter

Bilder
Bewertungen
Wie anschaulich finden Sie diesen Beitrag?
1 2 3 4 5 Bewertungen: 0Jetzt bewerten
Wie informativ finden Sie diesen Beitrag?
1 2 3 4 5 Bewertungen: 0Jetzt bewerten
Weitere Informationen

Pinnwand

  • Auf dieser Pinnwand wurden noch keine Einträge hinterlassen.

Hier anmelden

Sie sind noch kein Mitglied der Community?

Jetzt beteiligen

Jetzt einen Beitrag verfassen