Op Platt: Spelen

Titel und Untertitel

Spelen

Mein Beitrag
Ersteller und Datum

Erstellt von Sabrina Böhmer am 22.09.2015

Autor dieses Beitrags

Ursel Leonhardt

Haupttext

Ick bün in Dithmarschen mit twee Schwestern opwussen, uns Öllern haln een Timmeri. Dat wer uns Spelplatz un de Spelplatz von uns Frünn. Fröer gev dat noch keen Spelplätze we man se hüt kennt.

Dat weer för uns een Abenteuerspelplatz mit veel Holt un Böm un veel Platz ton „Tick“ un Versteckspelen.

Ut ole Breh hebt we uns Höhlen but und mit Gardinen und Wulldecken utstaffiert.

De Blomenvos mit Blomen dörs dorbi nich fehlen, dat wer dann de inbegriff von de Gemütlichkeit.

Ton Schaukeln hebt we uns een grotet Brett söcht, dat wör öber een leere Teertünn lecht und schon weer de Wippe fertich. Dat dejenige de een beten mehr op de Rippen hal sien Macht oftmals utnutzt hät, den annern een beten länger boben sitten to loten als dat nödich weer, war in Koop nomen. An den harte Upprall, kann ick me noch good erinnern.

Be Regenwoller, hebt we in de Warksteh spelt. Bi de elektrischen Maschinen worn dann von uns Voder de elektrischen Sekerungen rutdreiht, damit nichts passieren kunn. We hebt dann oft Froschkönig spelt, dovör worn dann een paar Breh de locker op den Kartüffelkeller oplegen hebt, hochnomen und schon weer de Brunnen för den Froschkönig fertig.

Dat de Froschkönig bi sien Aktionen den Ball to fangen ob de Kartüffeln rumpedt het, de ja noch irgendwann op den Disch schullen weer uns egol, den Kartüffeln wiss ook.
Uns mudder het dar wiss anners över dacht.

Oftmols sind we mit Teer oder Harzplacken int Hus komen, uns Mudder het dann mit Botter versöcht de Plackens rut tokriegen.

Den Teergeruch heb ich noch hüt in de Näs und wenn se irgendwo an de strot mit Teer an arbeiten sünd, denck ick an mien Öllernhus in Dithmarschen und ick bün dankbar dat ick jüss we mien beiden Schwestern so een schöne Kindheit hat heff 

Bilder
Bewertungen
Wie anschaulich finden Sie diesen Beitrag?
1 2 3 4 5 Bewertungen: 0Jetzt bewerten
Wie informativ finden Sie diesen Beitrag?
1 2 3 4 5 Bewertungen: 0Jetzt bewerten
Weitere Informationen
Jahr

2015

Pinnwand

  • Auf dieser Pinnwand wurden noch keine Einträge hinterlassen.

Hier anmelden

Sie sind noch kein Mitglied der Community?

Jetzt beteiligen

Jetzt einen Beitrag verfassen